ಮೈಸೂರು ದಸರಾ ಎಷ್ಟೊಂದು ಸುಂದರ ! ಸುಸ್ವಾಗತ : ವಿಕ ವೀಕ್ಷಣೆ - ದಸರಾ ೨೦೧೧
ರಾಗ -ರಂಗು
ರಂಗನ ತಿಟ್ಟಿನಲ್ಲೀಗ ಪಕ್ಷಿಗಳ ಕಲರವ. ಗ್ರೇ ಹೆರಾನ್, ಹೆಜ್ಜಾರ್ಲೆ, ಪೈಡ್ ಕಿಂಗ್ ಫಿಶರ್, ಪೇಂಟೆಡ್ ಸ್ಟಾರ್ಕ್, ನೈಟ್ ಹೆರಾನ್, ರಿವರ್ ಟರ್ನ್, ಮಿಡ್ಲ್ವೈಟ್ ಈಗ್ರೇಟ್ ಸೇರಿದಂತೆ ಹತ್ತು ಹಲವು ಪ್ರಬೇಧದ, ಸಾವಿರಾರು ಪಕ್ಷಿಗಳ ಪಾಲಿಗಿದು ರಮ್ಯ ಚೈತ್ರಕಾಲ. ನೀರ ನಡುಗಡ್ಡೆ ಯಲ್ಲಿ ದೇಶ, ವಿದೇಶಿ ಅತಿಥಿಗಳ ರಾಗ ರಂಗು. ಗೂಡು ಕಟ್ಟುವ, ಮೊಟ್ಟೆ ಇಡುವ, ತುತ್ತು ಹೆಕ್ಕಿ ತರುವ, ಮರಿಗಳಿಗೆ ತುತ್ತುಣ್ಣಿಸುವ, ಹಾರುವ, ನಲಿಯುವ, ತೇಲುವ, ಚಿತ್ತ-ಚಿತ್ತಾರ ಮೂಡಿಸುವ, ನೋಡುವ ಕಣ್ಣುಗಳಿಗೆ ನಲಿವಿನ ಸಂಭ್ರಮ ತುಂಬುವ....ಹೀಗೆ ತಿಟ್ಟಿಗೆ ತಿಟ್ಟೇ ಸಂಭ್ರಮದ ಸಾಕ್ಷಾತ್ಕಾರಕ್ಕೆ ಪಕ್ಕಾಗಿದೆ. ಬೆಳಗ್ಗೆ, ಸಂಜೆ ತಿಟ್ಟಿನಲ್ಲಿ ಕುಳಿತರೆ, ದೋಣಿಯಲ್ಲಿ ಕುಳಿತು `ನೀರವ ಯಾನ' ಹೊರಟರೆ ಪಕ್ಷಿಗಳದ್ದೇ ಗಾನದಿಂಚರ. ಎಲ್ಲವನ್ನೂ ಕಣ್ಣು, ಕಿವಿಗೆ ಮೊಗೆದು ತುಂಬಿಕೊಳ್ಳಬೇಕೆಂದರೆ ಅಲ್ಲಿಗೇ ಹೋಗಬೇಕು.
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಕಾಮೆಂಟ್ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ