ಮೈಸೂರು ವಿಶ್ವವಿದ್ಯಾನಿಲಯದ ೯೧ನೇ ವಾರ್ಷಿಕ ಘಟಿಕೋತ್ಸವದಲ್ಲಿ ಗಣ್ಯರು ಮತ್ತು ವಿದ್ಯಾರ್ಥಿಗಳು ಧರಿಸುವ ಉಡುಪಿಗೆ ದೇಸಿಯ ಸೊಗಡು, ಮೈಸೂರು ಸಂಪ್ರದಾಯದ ಸ್ಪರ್ಶ ಸಿಗಲಿದೆಯೇ ? ಘಟಿಕೋತ್ಸವದಲ್ಲಿ ಭಾಗವಹಿಸುವ ಪುರುಷ ಗಣ್ಯರು, ಅಭ್ಯರ್ಥಿಗಳು ಮೈಸೂರು ಪೇಟ ಧರಿಸುವರೇ ?
ವಿಶ್ವವಿದ್ಯಾನಿಲಯದ ಆಡಳಿತ ವಲಯದಲ್ಲಿ ಇಂಥದ್ದೊಂದು ಚರ್ಚೆ ಶುರುವಾಗಿದೆ. ಘಟಿಕೋತ್ಸವದ ವಸ್ತ್ರ ಸಂಹಿತೆಯನ್ನು ಬದಲಿಸಲು ಮೈಸೂರು ವಿವಿ ಕಳೆದ ವರ್ಷವೇ ನಿರ್ಧಾರ ಕೈಗೊಂಡಿತ್ತು. ಕಣ್ಣಿಗೆ ರಾಚುವ ಬ್ರಿಟಿಷ್ ಪರಂಪರೆಯ ವಿವಿಧ ಬಣ್ಣದ ಗೌನ್ ಹಾಗೂ ಚೌಕಾಕಾರದ ಟೋಪಿ(ಮಾರ್ಟರ್ ಬೋರ್ಡ್)ಯನ್ನು ಕೈ ಬಿಟ್ಟು, ಸರಳವಾದ ಉಡುಪುಗಳನ್ನು ವಸ್ತ್ರ ಸಂಹಿತೆಯನ್ನಾಗಿಸ ಬೇಕೆಂಬುದು ಕುಲಪತಿ ಪ್ರೊ. ವಿ. ಜಿ. ತಳವಾರ್ ಸೇರಿದಂತೆ ಬಹುತೇಕರ ಅಪೇಕ್ಷೆ. ಈ ಹಿನ್ನೆಲೆಯಲ್ಲಿ ಉಡುಪುಗಳು ಹೇಗಿರಬೇಕು ಎಂಬುದನ್ನು ಚರ್ಚಿಸಿ, ಸೂಕ್ತ ನಿರ್ಧಾರ ಕೈಗೊಳ್ಳಲು ಸಿಂಡಿಕೇಟ್ ಉಪ ಸಮಿತಿಯನ್ನು ರಚಿಸಲಾಗಿತ್ತು. ಆದರೆ ಕಳೆದ ವರ್ಷ ಉಪ ಸಮಿತಿಯಲ್ಲಿದ್ದ ಕೆಲ ಸದಸ್ಯರ ನಿರುತ್ಸಾಹದಿಂದಾಗಿ ಸಿಂಡಿಕೇಟ್ ನಿರ್ಧಾರ ಜಾರಿಗೆ ಬರಲಿಲ್ಲ. ಹಾಗಾಗಿ ಈಗ ಮತ್ತೆ ಇದೇ ವಿಷಯ ಚರ್ಚೆಗೆ ಬಂದಿದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ