ಪಾಂಡವಪುರ ಸಂತೆಗೆ ಪಡಬಾರದ ಕಷ್ಟ

ರಘುವೀರ್ ಪಾಂಡವಪುರ
ಪಾಂಡವಪುರದ ಗುರುವಾರದ ಸಂತೆಗೆ ವಯಸ್ಸು ಅರವತ್ತು ಮೀರಿರಬಹುದು, ಆದರೆ ಸೌಲಭ್ಯ ಮಾತ್ರ ಮೂರೂ ಇಲ್ಲ.
ಬಹಳ ಪ್ರಮುಖವಾಗಿ ಸಂತೆ ನಡೆಸಲು ಸೂಕ್ತ ಮೈದಾನವೂ ಇಲ್ಲ. ಸ್ವಾತಂತ್ರ್ಯಬರುವುದಕ್ಕೂ ಮೊದಲಿ ನಿಂದಲೂ ಪಟ್ಟಣದ  ಸಂತೆ ಜಿಲ್ಲೆಯಲ್ಲೇ ಪ್ರಸಿದ್ಧವಾಗಿತ್ತು. ಅಂದಿನಿಂದಲೂ ಇಂದಿಗೂ ಕುಂಟುತ್ತಲೇ ನಡೆದಿದೆ.
ಸಂತೆಯಲ್ಲಿ ದಿನಸಿ, ತರಕಾರಿ, ಸಾಂಬಾರ ಪದಾರ್ಥಗಳ ಜತೆಗೆ ಕೋಳಿ-ಕುರಿಗಳ ವ್ಯಾಪಾರವೂ ನಡೆಯುತ್ತದೆ. ರೈತರು ಕೃಷಿ ಉತ್ಪನ್ನಗಳನ್ನು ಎತ್ತಿನಗಾಡಿ ಹಾಗೂ ಇತರ ವಾಹನಗಳ ಮೂಲಕ ತಂದು ಸಂತೆಯಲ್ಲಿ ಮಾರಿ ವಾಪಸಾಗುತ್ತಾರೆ. ಆದರಿಲ್ಲಿ ಶೌಚಾಲಯ, ಕಸದ ತೊಟ್ಟಿಗಳು, ಮೇಲ್ಚಾವಣಿ ಸೇರಿದಂತೆ ಯಾವುದೂ ಇಲ್ಲ. ಪರಿಣಾಮ ಕಸದ ರಾಶಿ, ಅಶುಚಿತ್ವದ ಮಧ್ಯೆಯೇ ವ್ಯಾಪಾರ. ಹತ್ತಿರದ ಮಾಂಸದ ಮಾರುಕಟ್ಟೆ ಹಾಗೂ ತ್ಯಾಜ್ಯವಸ್ತುಗಳ ದುರ್ವಾಸನೆ ಸಹಿಸಲೇಬೇಕು.