ಶ್ಶ್...! ನೀವು ಕುಕ್ಕರಹಳ್ಳಿಕೆರೆಗೆ ವಾಕಿಂಗ್ ಅಥವಾ ಪರಿಸರ ವೀಕ್ಷಣೆಗೆ ಬಂದಿದ್ದೀರಾ? ಹಾಗಾದರೆ ನಿಶ್ಶಬ್ದವಾಗಿರಿ. `ಪ್ರೇಮಿ' ಗಳಿದ್ದಾರೆ, `ಪ್ರಣಯ'ಕ್ಕೆ ಡಿಸ್ಟರ್‍ಬ್ ಮಾಡಬೇಡಿ...!
ಅರೆ, ಮೈಸೂರು ವಿವಿ ಕ್ರಮ ಕೈಗೊಂಡ ನಂತರವೂ ಕೆರೆಯಂಗಳಕ್ಕೆ ಪ್ರೇಮಿಗಳು ಬರುತ್ತಾರಾ ಎಂದು ಹುಬ್ಬೇರಿಸಬೇಡಿ. ಇದು `ಲವ್ ಬರ್ಡ್ಸ್' ಕಥೆ. ವಂಶಾಭಿವೃದ್ಧಿಗಾಗಿ ದೇಶ ವಿದೇಶಗಳ ಹಲವು ಬಗೆಯ ನೂರಾರು ಪಕ್ಷಿಗಳು ಕೆರೆಯಾವರಣದಲ್ಲಿ ಬೀಡು ಬಿಟ್ಟಿವೆ. ಈ ಬಾರಿ ತುಸು ಹೆಚ್ಚೇ ಎನ್ನಬಹುದು. ಕೆರೆಯಂಗಳದ ನಡುಗಡ್ಡೆಯಲ್ಲಿ ಪೈಂಟೆಡ್ ಸ್ಟಾರ್ಕ್, ಪೆಲಿಕಾನ್(ಹೆಜ್ಜಾರ್ಲೆ), ಸ್ಪೂನ್ ಬಿಲ್, ಓಪನ್‌ಬಿಲ್ ಸ್ಟಾರ್ಕ್, ಕಾರ್ಮೊರೆಂಟ್ ಮತ್ತಿತರ ಪಕ್ಷಿಗಳ `ಗಾನಬಜಾನ' ನಿತ್ಯನೂತನ. ಜತೆಗೆ ಪ್ರೀತಿ, ಪ್ರೇಮ, ಪ್ರಣಯ..., ಮಿಲನಮಹೋತ್ಸವ..!
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ