ಚೀ. ಜ. ರಾಜೀವ ಮೈಸೂರು
`ಯಾಕೆ ಬೇಕು ?, ಯಾರಿಗೆ ಬೇಕು ಈ ಮೂರೂವರೆ ವರ್ಷದ ಮೆಡಿಕಲ್ ಕೋರ್ಸ್ ?'
`ಕಿವಿ-ಮೂಗು-ಗಂಟಲು(ಇಎನ್‌ಟಿ), ನೇತ್ರ, ಮೂಳೆ, ಚರ್ಮ, ವಿಧಿ-ವಿಜ್ಞಾನ ವಿಷಯಗಳನ್ನು ಕಲಿಯದಿದ್ದರೆ, ವೈದ್ಯ ಪರಿಪೂರ್ಣನಾಗಲು ಹೇಗೆ ಸಾಧ್ಯ ?'
ಈ ಎರಡು ಪ್ರಶ್ನೆಗಳನ್ನು ಮುಂದಿಟ್ಟುಕೊಂಡು ವೈದ್ಯ ಸಮುದಾಯ ಬಿಸಿ-ಬಿಸಿ ಚರ್ಚೆಯಲ್ಲಿ ಮಗ್ನವಾಗಿದೆ. ವೈದ್ಯ ಶಿಕ್ಷಣ ಪದವಿಗೆ ಸಂಬಂಧಿಸಿದಂತೆ ಮೆಡಿಕಲ್ ಕೌನ್ಸಿಲ್ ಆಫ್ ಇಂಡಿಯಾದ ವ್ಯವಸ್ಥಾಪನ ಮಂಡಳಿ ಸದಸ್ಯರು(ಬೋರ್ಡ್ ಆಫ್ ಗವರ್ನರ್‍ಸ್) ನೀಡಿರುವ ಕೆಲವು ಶಿಫಾರಸುಗಳು(ಉದ್ದೇಶಿತ ವಿಷನ್ -೨೦೧೫ ಡಾಕ್ಯೂಮೆಂಟ್) ವೈದ್ಯರು ಹಾಗೂ ವೈದ್ಯ ಸಂಘಟನೆಗಳ ತಲೆ ಬಿಸಿ ಮಾಡಿದೆ. ಇಂಡಿಯನ್ ಮೆಡಿಕಲ್ ಅಸೋಸಿಯೇಷನ್ ಈ ಬಗ್ಗೆ ಸಾರ್ವಜನಿಕವಾಗಿ ತನ್ನ ಆಕ್ಷೇಪ ವ್ಯಕ್ತಪಡಿಸಿ, ಅದನ್ನು ಚರ್ಚೆಗೆ ಒಳಪಡಿಸಿದೆ. ಕೆಲವು ಶಿಫಾರಸುಗಳ ಬಗ್ಗೆ ವೈದ್ಯ ಕಾಲೇಜುಗಳ ಅಧ್ಯಾಪಕರು ಆಕ್ರೋಶ ವ್ಯಕ್ತಪಡಿಸಿದ್ದಾರಲ್ಲದೆ, ಫೆ. ೫ರಂದು ದೇಶಾದ್ಯಂತ ಕಪ್ಪು ಬ್ಯಾಡ್ಜ್ ಧರಿಸಿ ಪ್ರತಿಭಟನೆ ದಾಖಲಿಸುತ್ತಿದ್ದಾರೆ. ವೈದ್ಯರು ಈ ಪರಿ ತುಮುಲಗೊಳ್ಳಲು ಕಾರಣವಾದ ಸಂಗತಿಗಳತ್ತ ಒಂದು ನೋಟ ಇಲ್ಲಿದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ