ತಲೆ ಎತ್ತಲಿದೆ ಅತಿ ದೊಡ್ಡ ಮೃಗಾಲಯ

*ಕುಂದೂರು ಉಮೇಶಭಟ್ಟ ಮೈಸೂರು
ರಾಜ್ಯದ ಅತಿ ದೊಡ್ಡ ಮೃಗಾಲಯ ಯಾವುದು ಎಂದರೆ, ಥಟ್ಟನೆ ಬರುವ ಉತ್ತರ ಮೈಸೂರು. ಆದರೆ ಇದಕ್ಕಿಂತ ವಿಶಾಲ ಹಾಗೂ ದೊಡ್ಡ ಮೃಗಾಲಯ ಹಂಪಿ ಬಳಿ ತಲೆ ಎತ್ತಲಿದೆ.
ಮೈಸೂರಿನ ನೂರು ವರ್ಷ ಇತಿಹಾಸವಿರುವ ಚಾಮರಾಜೇಂದ್ರ ಮೃಗಾಲಯದ ವಿಸ್ತೀರ್ಣ ೧೦೦ ಎಕರೆ ಯಷ್ಟೆ. ಆದರೆ ಹಂಪಿ ಬಳಿ ಬರೋಬ್ಬರಿ ೧೫೦ ಎಕರೆ ಪ್ರದೇಶದಲ್ಲಿ ರಾಜ್ಯದ ದೊಡ್ಡ ಮೃಗಾಲಯ ರೂಪಿಸಲು ಕರ್ನಾಟಕ ಮೃಗಾಲಯ ಪ್ರಾಧಿಕಾರ ಮುಂದಾಗಿದೆ. ಪ್ರಾಧಿಕಾರ ಸೇರಿದಂತೆ ನಾನಾ ಸಂಸ್ಥೆಗಳ ಆರ್ಥಿಕ ನೆರವು ಸುಮಾರು ೨೨ ಕೋಟಿ ರೂ.ಗಳನ್ನು ಬೃಹತ್ ಮೃಗಾಲಯ ಕ್ಕಾಗಿಯೇ ಮೀಸಲಿಡಲಾಗಿದೆ. ಈಗಾಗಲೇ ರಾಜ್ಯ ಸರಕಾರವೂ ಯೋಜನೆಗೆ ಒಪ್ಪಿಗೆ ನೀಡಿದೆ. ಕೇಂದ್ರ ಮೃಗಾಲಯ ಪ್ರಾಧಿಕಾರದ ಒಪ್ಪಿಗೆಗೆ ಕಾಯಲಾಗುತ್ತಿದೆ.