ಎಂಎಂಸಿಯಲ್ಲಿ ನರ್ಸಿಂಗ್ ಕಾಲೇಜು

* ಜೆ.ಶಿವಣ್ಣ   ಮೈಸೂರು
ಮೈಸೂರು ವೈದ್ಯ ಕಾಲೇಜು ಮತ್ತು ಸಂಶೋಧನಾ ಸಂಸ್ಥೆಯಲ್ಲಿ ಸದ್ಯವೇ ನರ್ಸಿಂಗ್ ಕಾಲೇಜು ಆರಂಭ ವಾಗಲಿದೆ.
ಪ್ರಸ್ತುತ ರಾಜ್ಯದಲ್ಲಿ ನಾಲ್ಕು ಜಿಲ್ಲೆಗಳಲ್ಲಿ (ಬೆಂಗಳೂರು, ಹಾಸನ, ಹೊಳೆನರಸೀಪುರ, ಬಳ್ಳಾರಿ) ಮಾತ್ರ ಸರಕಾರಿ ನರ್ಸಿಂಗ್ ಕಾಲೇಜುಗಳಿದ್ದು, ಈಗ ಮೈಸೂರು ಸೇರ್ಪಡೆಯಾಗಲಿದೆ.
ರಾಜ್ಯ ಸರಕಾರದ ಅನುಮತಿ ಸಿಕ್ಕರೆ ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ (ಜೂನ್) ಪ್ರವೇಶ ಪ್ರಕ್ರಿಯೆ ಆರಂಭವಾಗಲಿದೆ. ಸಂಸ್ಥೆಯು  ಸರಕಾರದ ಅನುಮತಿ ದೊರೆಯಲಿದೆ ಎನ್ನುವ ಬಹುನಿರೀಕ್ಷೆಯೊಂದಿಗೆ ಕಾಲೇಜು ಆರಂಭಕ್ಕೆ ಸಜ್ಜಾಗುತ್ತಿದೆ. ಸ್ವಂತ ಕಟ್ಟಡ ಹೊಂದುವವರೆಗೆ ತಾತ್ಕಾಲಿಕವಾಗಿ ಕಾಲೇಜು ನಡೆಸಲು ವೈದ್ಯ ಕಾಲೇಜಿಗೆ ಹೊಂದಿಕೊಂಡ ಹಳೆ ವಸ್ತುಪ್ರದರ್ಶನ ಕಟ್ಟಡದ ೨ ನೇ ಅಂತಸ್ತಿನಲ್ಲಿ ನವೀಕರಣ ಕಾರ್ಯ ಆರಂಭವಾಗಿದೆ.