ಪೇಟೆ ಪ್ರೈಮರಿ ನೆನಪು ಸಾವಿರ

ಪೇಟೆ ಪ್ರೈಮರಿ ಶಾಲೆಯೆಂದರೆ ಹಿರಿಯ ತಲೆಮಾರಿನ ಮಂದಿಗೆ ನೆನಪುಗಳ ಸರಮಾಲೆಯೇ ಬಿಚ್ಚಿಕೊಳ್ಳುತ್ತದೆ.
ಚಾಮರಾಜನಗರ ಹಾಗೂ ಸುತ್ತಮುತ್ತಲ ಗ್ರಾಮಗಳ ಮಂದಿಗೆ ಈ ಶಾಲೆ ಚಿರಪರಿಚಿತ. ಇಂದಿನ ತಲೆಮಾರು ಅಷ್ಟೇ ಅಲ್ಲ, ಹಿಂದಿನ ಎರಡು ತಲೆಮಾರಿನ ಮಂದಿಗೂ ಈ ಸರಕಾರಿ ಶಾಲೆ ಗೊತ್ತು. ಶಾಲೆ ಶತಮಾನವನ್ನು ದಾಟಿದ್ದು, ಶಾಲೆ ಆವರಣಕ್ಕೆ ಕಾಲಿಟ್ಟರೆ ಬರೋಬರಿ ೧೦೪ ವರ್ಷಗಳ ಹಿಂದಿನ ಕತೆ ಬಿಚ್ಚಿಕೊಳ್ಳುತ್ತದೆ. ಈಗ ನಗರದ ಹೃದಯ ಭಾಗದಲ್ಲಿರುವ ಈ ಸರಕಾರಿ ಶಾಲೆ ಆರಂಭವಾಗಿದ್ದು ೧೯೦೫ರಲ್ಲಿ. ಆ ಸಂದರ್ಭದಲ್ಲಿ ನಗರ ಹಳ್ಳಿಯಾಗಿತ್ತು. ಆಗ ಬ್ರಿಟಿಷರ ಪ್ರಭಾವ ಇದ್ದ ಕಾರಣ ಇಂಗ್ಲಿಷ್ ಪ್ರಭಾವವೂ ಅಷ್ಟೆ ಪ್ರಬಲವಾಗಿತ್ತು. ಹೀಗಾಗಿ ಈ ಶಾಲೆಗೆ ಪೇಟೆ `ಪ್ರೈಮರಿ' ಎಂದೆ ಹೆಸರಿಸಲಾಯಿತು.