ಸರಕಾರಿ ಕಚೇರಿಯಲ್ಲಿ ಅರ್ಜಿ ಪಡೆದು ಸ್ವೀಕೃತಿ ನೀಡಲು ಎಷ್ಟು ಸಮಯವಾಗಬಹುದು? ೧,೨,೩ ಗಂಟೆ ? ಒಂದು ದಿನ ? ಖಂಡಿತಾ ಆಗಲ್ಲ. ಉಳಿದ ಕಚೇರಿಗಳ ಕತೆ ಎಂತೋ. ಮೈಸೂರು ತಾಲೂಕು ಆಫೀಸಿನಲ್ಲಂತೂ ಬರೋಬ್ಬರಿ ಮೂರ್‍ನಾಲ್ಕು ದಿನ ಬೇಕೇ ಬೇಕು. ಮೈಸೂರಿನ ಹುಣಸೂರು ರಸ್ತೆಯಲ್ಲಿರುವ ತಾಲೂಕು ಕಚೇರಿಯಲ್ಲಿ ಅರ್ಜಿ ಪಡೆದು, ಸ್ವೀಕೃತಿ ನೀಡಲು ಸತತ ನಾಲ್ಕು ದಿನ ಸತಾಯಿಸಿ ನಂತರ ನೀಡಿದ ಪ್ರಕರಣ ಇತ್ತಿಚಿನ ಉದಾಹಣೆ. ಇದು ಒಬ್ಬರ ಕತೆಯಷ್ಟೆ ಅಲ್ಲ. ಒಂದೇ ಪ್ರಕರಣವೂ ಅಲ್ಲ. ಕಚೇರಿಯ ಕಾರ್‍ಯವೈಖರಿಯೇ ಅಂತದ್ದು. ಅರ್ಜಿ ಹಿಡಿದು ಬರುವ ಒಬ್ಬೊಬ್ಬರದೂ ಒಂದೊಂದು `ತಬರನ ಕತೆ'.
ಜನರ ಕೆಲಸವನ್ನು ಒಂದು ಭೇಟಿಗೆ ಕೊಟ್ಟರೆ ಅದನ್ನು ಅವಮಾನ ಎಂದು ಇಲ್ಲಿನ ಅಧಿಕಾರಿ ಸಿಬ್ಬಂದಿ ಭಾವಿಸಿದಂತಿದೆ. ಅದೇ,ಹಣ ಬಿಚ್ಚಿದರೆ, ಪ್ರಭಾವ ಬಳಸಿದರೆ ಎಲ್ಲಾ ಫಟಾಫಟ್.
ತಾಲೂಕು ಕಚೇರಿಯ `ಕಾರ್‍ಯ ವೈಖರಿ' ಕುರಿತ ಆರೋಪಗಳ ಹಿನ್ನೆಲೆಯಲ್ಲಿ, `ವಿಜಯಕರ್ನಾಟಕ' ಅರ್ಜಿದಾರರೊಬ್ಬರ ಬೆನ್ನಿಗೆ ನಿಂತು ನಡೆಸಿದ `ರಿಯಾಲಿಟಿ ಚೆಕ್` ಇದು. ಕೆಲಸ ಆಗುವ-ಹೋಗುವ ಮಾತಿರಲಿ, ಕೇವಲ ಅರ್ಜಿಯೊಂದನ್ನು ನೀಡಿ ಸ್ವೀಕೃತಿ ಪಡೆಯಲಿಕ್ಕೇ ನಾಲ್ಕು ದಿನ ಅಲೆದಾಡಿದ್ದು, ತಾಸುಗಟ್ಟಲೆ ಕಚೇರಿ ಬಾಗಿಲು ಕಾಯ್ದದ್ದು, ಆ ವೇಳೆ ಜನ ಆಡಿದ್ದು-ಅನುಭವಿಸಿದ್ದು ಇಲ್ಲಿದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ