ಕಳ್ಳಮಾಲು ಗಿರವಿದಾರರಿಗೆ ಚಾಟಿ ಬೀಸಲು ನಗರ ಪೊಲೀಸರು ಸಜ್ಜಾಗಿದ್ದಾರೆ.
ಕದ್ದಮಾಲನ್ನು ಗಿರವಿ ಇಟ್ಟುಕೊಳ್ಳುವುದನ್ನೇ ದಂಧೆ ಮಾಡಿಕೊಂಡ ಕೆಲ ಗಿರವಿದಾರರಿಗೆ ಪೊಲೀಸರು ಈಗಾಗಲೇ ಬಿಸಿ ಮುಟ್ಟಿಸಿದ್ದಾರೆ. ಹಣ ಗಳಿಕೆಗೆ ಸುಲಭ ದಾರಿ ಕಂಡುಕೊಂಡಿದ್ದ ಇಂಥವರ ಕಳ್ಳತನದ ಪ್ರೋತ್ಸಾಹಕ್ಕೆ ಕಡಿವಾಣ ಹಾಕಲು ಪೊಲೀಸರು ಹೆಜ್ಜೆ ಇಟ್ಟಿದ್ದಾರೆ.
ಕಳವು ಮಾಲನ್ನು ಮಾರಾಟವಾಗದಂತೆ ಎಚ್ಚರ ವಹಿಸಿದರೆ ಅರ್ಧ ಕಳ್ಳತನ ತಡೆಗಟ್ಟಿದಂತೆ ಎನ್ನುವ ಭಾವನೆ ಪೊಲೀಸರದ್ದು. ಇಷ್ಟು ದಿನ ಕಾಲ ಕಳವು ಮಾಲನ್ನು ವಶಪಡಿಸಿಕೊಂಡು ಗಿರವಿ ಅಂಗಡಿ ಮಾಲೀಕರಿಗೆ ಎಚ್ಚರಿಸಲಾಗುತ್ತಿತ್ತು. ಇಷ್ಟು ಸಂದರ್ಭದಲ್ಲಿ ಹೇಳಿಕೆ ಪಡೆದು ಬಿಟ್ಟು ಬಿಡಲಾಗುತ್ತಿತ್ತು. ಆದರೆ ಮುಂದೆ ಇಂಥದ್ದಕ್ಕೆ ಅವಕಾಶ ನೀಡದೆ, ಮಾಲೀಕರ ವಿರುದ್ಧ ಕಠಿಣ ಕ್ರಮಕೈಗೊಳ್ಳಲು ಮುಂದಾಗಿದ್ದಾರೆ ಪೊಲೀಸರು.
ವಿವಿಧ ಗಿರವಿ ಅಂಗಡಿ ಮಾಲೀಕರನ್ನು ಕರೆದು ಎಚ್ಚರಿಸಲಾಗಿದ್ದು, ಪ್ರತಿ ಗಿರವಿ ಅಂಗಡಿಯಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಿಕೊಳ್ಳುವಂತೆ ಸೂಚಿಸಲಾಗಿದೆ. ಇದಲ್ಲದೇ ಕಳ್ಳ ಮಾಲನ್ನು ಗಿರವಿ ಇಟ್ಟುಕೊಂಡಿದ್ದ ಐದು ಗಿರವಿ ಅಂಗಡಿ ಮಾಲೀಕರ ವಿರುದ್ಧ ಈಗಾಗಲೇ ಐಪಿಎಸ್ ೪೧೧ ಸೆಕ್ಷನ್ ಪ್ರಕಾರ ಪ್ರಕರಣ ದಾಖಲಿಸಲಾಗಿದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ