ಇದೊಂದು ಸಮಾಧಾನಕರ ಸುದ್ದಿ. ಎಚ್‌ಐವಿಯೊಂದಿಗೆ ಜೀವಿಸುವವರ ಸಂಖ್ಯೆ ಮೈಸೂರು ಜಿಲ್ಲೆಯಲ್ಲಿ ಇಳಿಮುಖವಾಗುತ್ತಿದೆ.
೨೦೦೮ರಲ್ಲಿ ಜಿಲ್ಲೆಯಲ್ಲಿದ್ದ ಎಚ್‌ಐವಿ ಬಳಗದವರ ಸಂಖ್ಯೆ ಶೇ. ೧೧ರಷ್ಟಿತ್ತು. ಈ ಅಂಕಿ-ಸಂಖ್ಯೆಗೆ ಹೋಲಿಸಿದರೆ, ೨೦೧೦ರ ಅಂತ್ಯದ ವೇಳೆಗೆ ಅವರ ಸಂಖ್ಯೆ ಶೇ ೫.೧೮ಕ್ಕೆ ಇಳಿದಿದೆ. ೨೦೦೯ರಲ್ಲಿ ಇವರ ಪ್ರಮಾಣ ಶೇ. ೮.೦೨ರಷ್ಟಿತ್ತು. ಸೋಂಕಿತ ಗರ್ಭಿಣಿಯರ ಸಂದರ್ಭದಲ್ಲಂತೂ- ಇಳಿಕೆ ಗಣನೀಯವಾಗಿದೆ. ೨೦೦೮ರಲ್ಲಿ ಶೇ. ೦.೮೮, ೨೦೦೯ರಲ್ಲಿ ಶೇ. ೦.೩೨ರಷ್ಟಿದ್ದ ಪ್ರಮಾಣ ೨೦೧೦ರ ವೇಳೆಗೆ ಶೇ.೦.೨೭ಗೆ ಇಳಿದಿದೆ.
ಎಚ್‌ಐವಿ ಪಾಸಿಟಿವ್ ಹಾಗೂ ಏಡ್ಸ್ ಬಗ್ಗೆ ನಡೆಸುತ್ತಿರುವ ಜಾಗೃತಿ, ಸಮಾಲೋಚನೆ, ಸೋಂಕಿತರಿಗೆ ನೀಡುತ್ತಿರುವ ಚಿಕಿತ್ಸೆ, ಸೇವೆಯಂಥ ಕ್ರಮಗಳು ಇದೆಲ್ಲವನ್ನೂ ಸಾಧ್ಯವಾಗಿಸಿದೆ ಎಂದು ಜಿಲ್ಲಾ ಏಡ್ಸ್ ನಿಯಂತ್ರಣಾಧಿಕಾರಿ ಡಾ.ಟಿ.ರಘುಕುಮಾರ್ ಸೋಮವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
ಜಿಲ್ಲೆಯಲ್ಲಿ ೨೦೦೨ರಿಂದ ೨೦೦೯ರ ಅಕ್ಟೋಬರ್ ತನಕ ಸಾಮಾನ್ಯ ವರ್ಗದಲ್ಲಿ ಒಟ್ಟು ೧೩,೮೬೬ ಎಚ್‌ಐವಿ ಸೋಂಕಿತರನ್ನು, ಗರ್ಭಿಣಿಯರಲ್ಲಿ ೭೭೬ ಸೋಂಕಿತರನ್ನು ಪತ್ತೆ ಹಚ್ಚಲಾಗಿದ್ದು, ಈ ಪೈಕಿ ೧೦,೦೦೦ ಸೋಂಕಿತರಿಗೆ ಐಸಿಟಿಸಿ ಇಲ್ಲವೇ ಎಆರ್‌ಟಿ ಕೇಂದ್ರಗಳಲ್ಲಿ ಚಿಕಿತ್ಸೆ ನೀಡ ಲಾಗುತ್ತಿದೆ ಎಂದರು.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ