ಬಿಗಿಯಾಗುತ್ತಿದೆ ಪೊಲೀಸ್ ತಪಾಸಣೆ

ವಿಕ ಸುದ್ದಿಲೋಕ ಮೈಸೂರು
ಹೆಲ್ಮೆಟ್ ಹಾಕದೇ ಇದ್ದರೆ ಸಂಚಾರಿ ಪೊಲೀಸರಷ್ಟೇ ಅಲ್ಲ, ಮಾಮೂಲಿ ಪೊಲೀಸರೂ ನಿಮ್ಮನ್ನು ಹಿಡಿಯುವರು !
ಹೆಲ್ಮೆಟ್ ಇಲ್ಲದೇ ಅಪಘಾತದಲ್ಲಿ ಸಾಯುವವರ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ಆತಂಕಗೊಂಡಿ ರುವ ನಗರ ಪೊಲೀಸರು ನಿಯಂತ್ರಣಕ್ಕೆ ಮುಂದಾಗಿ ದ್ದಾರೆ. ಹೆಲ್ಮೆಟ್ ಹಾಕಿಕೊಳ್ಳದೇ ವಾಹನ ಚಲಾಯಿ ಸುವ ದ್ವಿಚಕ್ರವಾಹನ ಸವಾರರ ಮೇಲೆ ಸಂಚಾರ ಪೊಲೀಸರ ಕಣ್ಗಾವಲು ಬಿಗಿಗೊಂಡಿದೆ. ಸಂಚಾರ ನಿಯಂತ್ರಣಕ್ಕೆ  ಕೋಟಿ ರೂ. ವೆಚ್ಚ ಮಾಡಿ ಹೈಟೆಕ್ ಯಂತ್ರಗಳ ಬಳಕೆ ಆರಂಭಿಸಿರುವ ಪೊಲೀಸರು ಹೆಲ್ಮೆಟ್ ಹಾಕಿಕೊಳ್ಳದ ಮೇಲೆ ದಂಡ ಪ್ರಯೋಗ ಬಿಗಿಗೊಳಿಸಿದ್ದಾರೆ. ಇದು ಸಾಮಾನ್ಯ ಪೊಲೀಸ ರಿಗೂ ವರ್ಗಾವಣೆಗೊಳ್ಳಲಿದೆ.
ಹೆಚ್ಚಿದ ಅಪಘಾತ, ಸಾವು: ನಗರದಲ್ಲಿ ವಾಹನ ಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಏರುತ್ತಲೇ ಇದೆ. ಸದ್ಯ ೪.೫೦ ಲಕ್ಷದಷ್ಟು ವಾಹನಗಳು ಸಂಚರಿ ಸುತ್ತಿವೆ. ಅದರಲ್ಲೂ ದ್ವಿಚಕ್ರ ವಾಹನದ ಪ್ರಮಾ ಣವೇ ಹೆಚ್ಚು. ಈ ವರ್ಷದ ಜೂನ್ ಅಂತ್ಯಕ್ಕೆ ನಗರ ದಲ್ಲಿ ಸಂಭವಿಸಿದ ಅಪಘಾತ ೪೪೧. ಈ ಪೈಕಿ ೬೪ ಮಂದಿ ಪ್ರಾಣಕಳೆದುಕೊಂಡವರು. ೫೫ ಮಂದಿ ಗಾಯಗೊಂಡವರು. ಅದರಲ್ಲೂ ದ್ವಿಚಕ್ರ ವಾಹನದಲ್ಲಿ ಮೃತಪಟ್ಟವರು ೨೪. ಹೆಲ್ಮೆಟ್ ಇಲ್ಲದೇ ಜೀವ ಬಿಟ್ಟವರು ೧೮ ಮಂದಿ.
ನಿರ್ಲಕ್ಷ್ಯದಿಂದ ವಾಹನ ಚಾಲನೆ ಮಾಡಿದ ೯೨೩, ಅತಿವೇಗವಾಗಿ ಚಾಲನೆ ಮಾಡಿದ ೨೮೧೫, ಮದ್ಯ ಪಾನ ಸೇವಿಸಿ ವಾಹನ ಚಲಾಯಿಸಿದವರ ವಿರುದ್ಧ ೧೪೩೦, ಡಿಎಲ್ ಇಲ್ಲದೇ ಓಡಿಸಿದ್ದಕ್ಕೆ ೧೬೩೧, ವಾಹನ ಓಡಿಸುವಾಗ ಮೊಬೈಲ್ ಬಳಸಿದ ೬೯೯, ಹೆಲ್ಮೆಟ್ ಧರಿಸದೇ ವಾಹನ ಓಡಿಸಿದ ೩೦,೧೨೨, ನೋ ಪಾರ್ಕಿಂಗ್‌ನಲ್ಲಿ ವಾಹನ ನಿಲ್ಲಿಸಿದ ೧೭೮೫೭ ಮೊಕದ್ದಮೆ ದಾಖಲಿಸ ಲಾಗಿದೆ. ಪೊಲೀಸರೇ ನೇರವಾಗಿ ೭೬,೬೯,೮೦೦ ರೂ., ೧೪,೬೫,೦೦೦ ಗಳನ್ನು ನ್ಯಾಯಾಲಯದಲ್ಲಿ ದಂಡ ಪಾವತಿಸಿದ್ದಾರೆ. ಕಳೆದ ೬ ತಿಂಗಳಲ್ಲಿ ಸುಮಾರು ೯೧ಲಕ್ಷ ರೂ. ದಂಡ ವಸೂಲಿ ಮಾಡಿದ್ದಾರೆ.  ಒಟ್ಟು ದಾಖಲಾದ ಮೊಕದ್ದಮೆ  ಸಂಖ್ಯೆ ೬೮೦೯೪.
ಉಡಾಫೆ: ಬಹುತೇಕ ದ್ವಿಚಕ್ರ ವಾಹನ ಸವಾರರಿಗೆ ಹೆಲ್ಮೆಟ್ ಹಾಕಿ ಅಭ್ಯಾಸವೇ ಇಲ್ಲ. ನನ್ನ ತಲೆ ಹೋದರೇನಂತೆ ತಲೆಗೆ ಮಾತ್ರ ಹೆಲ್ಮೆಟ್ ಧರಿ ಸೋಲ್ಲ ಎನ್ನುವ ಮನೋಭಾವ ಹಲವರದ್ದು. ಅದರಲ್ಲೂ ಕಾಲೇಜು ವಿದ್ಯಾರ್ಥಿಗಳಿಗಂತೂ ಹೆಲ್ಮೆಟ್ ಎಂದರೆ ಅಲರ್ಜಿ. ಯುವತಿಯರಿಗೆ ತಮ್ಮ ಹೇರ್‌ಸ್ಟೈಲ್ ಮೇಲೆ ಕಾಳಜಿ. ಸಾವಿರಾರು ರೂ. ಕೊಟ್ಟು ಬೈಕ್ ಕೊಡಿಸುವ ಅಪ್ಪ ಜತೆಗೊಂದು ಹೆಲ್ಮೆಟ್ ಅನ್ನು ಕೊಡಿಸಿದರೂ ಮಕ್ಕಳಿಗೆ ಮಾತ್ರ ಹೆಲ್ಮೆಟ್ ಯಾಕೆ ಎನ್ನೋ ಉಡಾಫೆ. ಪೊಲೀಸರು ಹಿಡಿದರೆ ೧೦೦ ರೂ. ದಂಡ ಕಟ್ಟಿದರೆ ಮುಗೀತೆನ್ನುವ ದಾಷ್ಟ್ಯ ಬೇರೆ. ಕೆಲ ಯುವಕರಂತೂ ಪೊಲೀಸರ ಕಂಡರೆ ಓಟ ಕೀಳ್ತಾರೆಯೇ ಹೊರತು ಹೆಲ್ಮೆಟ್ ಹಾಕೋಲ್ಲ. ಇಂಥ ಸಂದರ್ಭದಲ್ಲಿ ಸರಕ್ಕನೇ ಬೈಕ್ ತಿರುಗಿಸಿ ಬೇರೆಯವರಿಗೆ ಡಿಕ್ಕಿ ಹೊಡೆದ ಸಾಕಷ್ಟು ಘಟನೆಗಳೂ ನಡೆದಿವೆ.