ವಿಕ ಛಾಯಾಗ್ರಾಹಕರ ಆಲ್ಬಂ

ನಮ್ಮ ಸಂಚಿಕೆಗೆ ಹೊಸದಾಗಿ ಸೇರಿರುವುದು "ವಿಕ ಛಾಯಾಗ್ರಾಹಕರ ಆಲ್ಬಂ". ಇದು ನಮ್ಮ ಪತ್ರಿಕೆಯ ವಿವಿಧ ಆವೃತ್ತಿಗಳಲ್ಲಿರುವ ಛಾಯಾಗ್ರಾಹಕರು ತೆಗೆದ ಮಾನವಾಸಕ್ತಿ ಛಾಯಾಚಿತ್ರಗಳ ವೇದಿಕೆ.
ನಮ್ಮ ಪತ್ರಿಕೆಯ ಹತ್ತು ಆವೃತ್ತಿಯಲ್ಲಿರುವ ಛಾಯಾಗ್ರಾಹಕರು ಸದಾ ಸುದ್ದಿಯೊಡನೆ ಇರುವವರೇ. ಆದರೆ ಅದರ ಮಧ್ಯೆಯೂ ಒಂದಿಷ್ಟು ಬಿಡುವು ಮಾಡಿಕೊಂಡು ತಮ್ಮಿಚ್ಛೆಯ ಫೋಟೋಗಳನ್ನು ತೆಗೆಯುವುದು ಒಂದು ಬಗೆಯಲ್ಲಿ "ತಮ್ಮ ಸ್ಪೇಸ್' ಹುಡುಕಿಕೊಳ್ಳುವ ಬಗೆ. ಹೊಸ ಬಗೆಯಲ್ಲಿ, ಮನಸ್ಸಿಗೆ ಖುಷಿ ತರುವ ಛಾಯಾಚಿತ್ರಗಳನ್ನು ತೆಗೆಯುತ್ತಾರೆ. ಹಾಗೆ ತೆಗೆದ ಎಲ್ಲದಕ್ಕೂ ಪತ್ರಿಕೆಯಲ್ಲಿ ಅವಕಾಶ ಸಿಗದು. ಅಂಥ ಸಂದರ್ಭದಲ್ಲಿ ತಮ್ಮ ಫೋಲ್ಡರ್ ನಲ್ಲೇ ಸ್ಥಾನ ನೀಡಿರುತ್ತಾರೆ. ನಮ್ಮ ವಿಕ ಆಲ್ಬಂ ಅಂಥ ಛಾಯಾಚಿತ್ರಗಳಿಗೆ ವೇದಿಕೆ.
ಆರಂಭಕ್ಕೆ ಮಂಗಳೂರು ಆವೃತ್ತಿಯ ಜಿ. ಕೆ. ಹೆಗಡೆ ಅವರು ತೆಗೆದ ಛಾಯಾಚಿತ್ರಗಳನ್ನು ನೀಡಲಾಗಿದೆ. ನೋಡಿ ಅಭಿಪ್ರಾಯ ತಿಳಿಸಿ.