ಕೆಲವೆಡೆ ದರ ದು‘ಬಾರಿ’ಧಿಮಾಕು !

ವಿಕ ವಿಶೇಷ ಮೈಸೂರು
ದಸರೆಯ ಹಿನ್ನೆಲೆಯಲ್ಲಿ  ನಗರದ ವಸತಿಗೃಹಗಳಲ್ಲಿ ಬುಕಿಂಗ್ ಜೋರು.ಆದರೆ,ಕೆಲ ವಸತಿಗೃಹಗಳಲ್ಲಿ ‘ದರ ಸುಲಿಗೆ ’ಯದ್ದೇ ಕಾರುಬಾರು !
ದಸರೆ ಬಂತೆಂದರೆ  ಎಲ್ಲೆಲ್ಲೂ ಪ್ರವಾಸೋ ದ್ಯಮದ ಮಂತ್ರ. ಸರಕಾರ,ಜಿಲ್ಲಾಡಳಿತ, ದಸರಾ ಉನ್ನತಾಧಿಕಾರ ಸಮಿತಿ ಸೇರಿದಂತೆ ಎಲ್ಲರದ್ದೂ ‘ಪ್ರವಾಸಿ ಸ್ನೇಹಿ’ ಜಪ. ಹೋಟೆಲ್ ಮಾಲೀಕ ರಂತೂ ‘ಪ್ರವಾಸೋದ್ಯಮ ದೃಷ್ಟಿಯಿಂದ ಸರಕಾರ ಕೈಗೊಳ್ಳಬೇಕಾದ ಕ್ರಮ, ವಿನಾಯಿತಿ- ರಿಯಾ ಯಿತಿ’ಯ ಪಟ್ಟಿ ಕೊಡುತ್ತಾರೆ. ಆದರೆ, ವಸತಿ ಗೃಹಗಳ ದರದ ವಿಷಯಕ್ಕೆ ಬಂದರೆ ಇದ್ಯಾ ವುದೂ ಅನ್ವಯಿಸದು. ದಸರೆಯ ಸಂಭ್ರಮದಲ್ಲಿ ತಕ್ಕಷ್ಟು ಬಾಚಿಕೊಳ್ಳುವ ಲಾಭಕೋರತನ ಹಲವರದ್ದು.
ಸ್ಟಾರ್ ದರ್ಜೆ ಹೋಟೆಲ್ ದರ ಮೊದಲೇ ದುಬಾರಿ. ಹಾಗಾಗಿ ಹೆಚ್ಚಿನ ವ್ಯತ್ಯಾಸವಿರದು. ಆದರೆ, ಮಧ್ಯಮ ವರ್ಗದ ವಸತಿಗೃಹಗಳು ಗಗನ ಕುಸುಮಗಳೇ !