ಪ್ರಕೃತಿ ವಿಕೋಪ: ಜಿಲ್ಲಾಡಳಿತ ಸಜ್ಜು

ವಿಕ ಸುದ್ದಿಲೋಕ ಮಡಿಕೇರಿ
ಜಿಲ್ಲೆಯಲ್ಲಿ  ಹೆಚ್ಚು  ಸಮಸ್ಯೆಗಳಿಲ್ಲದಿದ್ದರೂ ಸಣ್ಣ ಪುಟ್ಟ ಸಮಸ್ಯೆಗಳೇ ಬೆಟ್ಟದಷ್ಟಾಗಿವೆ. ಬಹುತೇಕ ಕಚೇರಿಗಳಲ್ಲಿ ಯುವ ಸಿಬ್ಬಂದಿಯೇ ಹೆಚ್ಚಿದ್ದರೂ ಆಡಳಿತದಲ್ಲಿ  ಚುರುಕು ಕಾಣುತ್ತಿಲ್ಲ. ಅಧಿಕಾರಿ ವರ್ಗ ಹಾಗೂ ನೌಕರರು  ಜನ ಸಾಮಾನ್ಯರ ವಿಶ್ವಾಸ ಗಳಿಸುವಲ್ಲಿ ವಿಫಲರಾಗಿದ್ದರೂ ಪ್ರಕೃತಿ ವಿಕೋಪ ಎದುರಿಸಲು  ಜಿಲ್ಲಾಡಳಿತ ಸಜ್ಜಾಗಿದೆ...
ಸೋಮವಾರ   ನಗರದ ವಿಜಯ ಕರ್ನಾಟಕ  ಕಚೇರಿಯಲ್ಲಿ  ಗಂಟೆಗೂ  ಹೆಚ್ಚು ಕಾಲ ನಡೆದ `ವಿಕ ಫೋನ್ ಇನ್' ಕಾರ್ಯಕ್ರಮದಲ್ಲಿ   ಉಪ ವಿಭಾಗಾಧಿಕಾರಿ ಡಾ. ಎಂ. ಆರ್. ರವಿ  ಜಿಲ್ಲೆಯ ಜನತೆಗೆ ಹತ್ತು ಹಲವು ಭರವಸೆ ನೀಡಿದರು. ಸಾರ್ವಜನಿಕರಿಂದ ಬಂದ ಬಹುತೇಕ ಕರೆಗಳಿಗೆ ಸಾವಧಾನವಾಗಿ ಉತ್ತರಿಸಿ ಸಮಸ್ಯೆಗಳಿಗೆ ಸ್ಪಂದಿಸುವ ತಮ್ಮ ನೈಜ ಕಳಕಳಿ ತೋರಿದರು.

ಓದುಗರೇ ಬರೆಯುವ ಅಂಕಣ !

ಮೈಸೂರು , ಮೈಸೂರು ಗ್ರಾಮಾಂತರ, ಮಂಡ್ಯ, ಚಾಮರಾಜನಗರ, ಕೊಡಗು ಜಿಲ್ಲೆಗಳ  ದೂರು, ದೂರದೃಷ್ಟಿಯ ಬರಹ ಇದು. ಸಾಮಾಜಿಕ ಹಿತಾಸಕ್ತಿಯ ಅನಿಸಿಕೆಗಳನ್ನು ಚಿಕ್ಕ, ಚೊಕ್ಕದಾಗಿ ಬರೆದು ಕಳಿಸಿ. ಸಮಸ್ಯೆಯನ್ನು ಬಿಂಬಿಸುವ ಚಿತ್ರಗಳಿಗೂ ಜಾಗವಿದೆ.

ಆಗಿದ್ದು ಆಯಿತು ಮುಂದಿನದು ನೋಡೋಣ...

*ವಿಕ ಸುದ್ದಿಲೋಕ ಮೈಸೂರು
ಇಂತಹ ಪ್ರತಿಕ್ರಿಯೆ ನಿರೀಕ್ಷಿಸಿರಲಿಲ್ಲ!
ಮೈಸೂರಿನಲ್ಲಿ ಜೆಎನ್-ನರ್ಮ್ ಯೋಜನೆ ಅನುಷ್ಠಾನ ಬಗ್ಗೆ ವಿಜಯಕರ್ನಾಟಕ ರಿಯಾಲಿಟಿ ಚೆಕ್ ಅಭಿಯಾನಕ್ಕೆ  ನಾಗರಿಕರು ಬೆನ್ನು ತಟ್ಟಿದರು. ಪತ್ರಿಕೆ ಇಂತಹ ಕೆಲಸ ಕೈಗೆತ್ತಿಕೊಂಡಿದ್ದು  ಸುತ್ಯರ್ಹ ಎಂದು ಸ್ವಯಂಸೇವಾ ಸಂಸ್ಥೆಗಳು ಅಭಿನಂದಿಸಿದವು. ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವ ಎಸ್. ಎ.ರಾಮದಾಸ್, ಸಂಸದ ಅಡಗೂರು ಎಚ್. ವಿಶ್ವನಾಥ್ ವಿಕ ಕಾರ್ಯವನ್ನು ಬಹಿರಂಗವಾಗಿಯೇ  ಶ್ಲಾಘಿಸಿದರು.
ನರ್ಮ್ ಯೋಜನೆಯ ಅನುಷ್ಠಾನದ  ರಿಯಾಲಿಟಿ ಚೆಕ್‌ನಲ್ಲಿ ಕಂಡುಕೊಂಡಿದ್ದನ್ನು  ಪತ್ರಿಕೆ ವರದಿ ಮಾಡುತ್ತಾ ಹೋಯಿತು. ಹತ್ತು ದಿನಗಳ ಅಭಿಯಾನ ಅಧಿಕಾರಿ ವಲಯದಲ್ಲಿ ಮಿಂಚಿನ ಸಂಚಾರಕ್ಕೂ ಕಾರಣವಾಯಿತು. ವಿಶ್ವನಾಥ್ ವಿಕ ವರದಿಯನ್ನು ಕೇಂದ್ರ ಸರಕಾರದ ಗಮನಕ್ಕೂ ತಂದರು. ರಾಜ್ಯ ನಗರಾಭಿವೃದ್ಧಿ ಸಚಿವ ಎಸ್. ಸುರೇಶ್‌ಕುಮಾರ್ ೧೩ ಯೋಜನೆಗಳಲ್ಲಿ  ೫ ಯೋಜನೆ ಗಳ ಕಾರ್ಯ ವಿಳಂಬವಾಗಿದೆ ಎಂಬುದನ್ನು ಒಪ್ಪಿಕೊಂಡರು.

ಸಾರಿ, ಎಡವಿದ್ದೇವೆ; ಭಾಗ-೨ರಲ್ಲಿ ಏಳುತ್ತೇವೆ

*ವಿಕ ಸುದ್ದಿಲೋಕ ಮೈಸೂರು
ನಿಜ, ಯೋಜನೆ ರೂಪಿಸುವ ಸಂದರ್ಭದಲ್ಲಿಯೇ ಎಡವಿದ್ದೇವೆ. ಭವಿಷ್ಯದ ನಗರ ಕಟ್ಟುವ ಎಂಜಿನಿಯರ್‌ಗಳ ಕೊರತೆ ನಮಗಿತ್ತು. ನಾಲ್ಕು ವರ್ಷಗಳ ಹಿಂದೆ ಕಾಮಗಾರಿ ಕುರಿತು ಸರಿಯಾದ `ವಿಸ್ತೃತ ಯೋಜನಾ ವರದಿ(ಡಿಪಿಆರ್)' ತಯಾರಿಸಿದ್ದರೆ, ಈ ಹೊತ್ತು ಇಷ್ಟೊಂದು ಲೋಪ ದೋಷಗಳು ಆಗುತ್ತಿರಲಿಲ್ಲ !
ಹತ್ತು ದಿನಗಳ ಕಾಲ ವಿಜಯ ಕರ್ನಾಟಕ ನಡೆಸಿದ `ನಮ್ಮ ನರ್ಮ್ - ವಿಕ ರಿಯಾಲಿಟಿ ಚೆಕ್' ಗ್ರಹಿಸಿದ ರಿಯಲ್ ಸಂಗತಿಗಳನ್ನು ನರ್ಮ್‌ನ ನೋಡಲ್ ಏಜೆನ್ಸಿ ಮೈಸೂರು ಮಹಾನಗರ ಪಾಲಿಕೆ ಒಪ್ಪಿಕೊಂಡಿತು. ಆದರೆ, ಇದಕ್ಕೆ ವ್ಯವಸ್ಥೆಯತ್ತ ಬೆರಳು ಮಾಡಿತು.
ವಿಕ ಅಭಿಯಾನದ ಅಂಗವಾಗಿ ಶನಿವಾರ ವಿಕ ಕಚೇರಿ ಯಲ್ಲಿ ನಡೆದ ಸಂವಾದ ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಎಸ್. ಎ. ರಾಮದಾಸ್, ಸಂಸದ ಅಡಗೂರು ಎಚ್. ವಿಶ್ವನಾಥ್, ನರ್ಮ್ ವಿಶೇಷಾಧಿಕಾರಿಯೂ ಆದ ಜಿಲ್ಲಾಧಿಕಾರಿ ಹರ್ಷಗುಪ್ತ, ಪಾಲಿಕೆ ಆಯುಕ್ತ ಕೆ. ಎಸ್. ರಾಯ್ಕರ್, ಎಸಿಐಸಿಎಂನ ಎಂ. ಲಕ್ಷ್ಮಣ್, ಮೈಸೂರು ಗ್ರಾಹಕರ ಪರಿಷತ್‌ನ ಬಾಪು ಸತ್ಯನಾರಾಯಣ್ ಭಾಗವಹಿಸಿದ್ದರು. ಆಗಿರುವ ದೋಷಗಳನ್ನು ಸಚಿವರು, ಅಧಿಕಾರಿಗಳು ಪ್ರಾಮಾಣಿಕ ವಾಗಿಯೇ ಒಪ್ಪಿಕೊಂಡರು. ಸಂಸದರು, ನಾಗರಿಕ ಪ್ರತಿನಿಧಿಗಳು ಎತ್ತಿದ ಕೆಲವು ಆಕ್ಷೇಪ, ತಕರಾರುಗಳಿಗೂ ತಲೆದೂಗಿದರು.

ಪ್ಲಾಸ್ಟಿಕ್ ಮುಕ್ತ ಝೂಗೆ ದಶಮಾನೋತ್ಸವ !

*ಜೆ.ಶಿವಣ್ಣ ಮೈಸೂರು
ಅದು ವನ್ಯಜೀವಿಗಳ ತಾಣ. ದೇಶದ ಅತ್ಯಂತ ಹಳೆಯ ಮತ್ತು ಅತ್ಯುತ್ತಮ ಮೃಗಾಲಯಗಳಲ್ಲಿ ಒಂದು ಎನ್ನುವ ಹೆಗ್ಗಳಿಕೆ.
ಅಲ್ಲಿ `ಪ್ಲಾಸ್ಟಿಕ್'ಬಳಕೆಗೆ ಬ್ರೇಕ್ ಬಿದ್ದು ದಶಕವಾಗಿದೆ. `ಪ್ಲಾಸ್ಟಿಕ್ ಮುಕ್ತ' ವಲಯ ಎಂದು  ಘೋಷಣೆಯಾಗಿ ದಶಕ ಉರುಳಿದೆ. ಪರಿಣಾಮ-ಅಲ್ಲೀಗ ಹುಡುಕಿದರೂ ತುಂಡು ಪ್ಲಾಸ್ಟಿಕ್ ಸಿಗುವುದಿಲ್ಲ. ಅದು ಪಾರಂಪರಿಕ ನಗರಿ ಮೈಸೂರಿನ ಶ್ರೀ ಚಾಮರಾಜೇಂದ್ರ ಮೃಗಾಲಯ.
ತೀವ್ರ ಕಣ್ಗಾವಲಿನ ನಡುವೆಯೂ ಪ್ಲಾಸ್ಟಿಕ್ ನುಸುಳಿದರೂ ನೆಲ ಮುಟ್ಟುವ ಮುನ್ನವೇ ಕಸದ ಬುಟ್ಟಿಗೆ ಸೇರಿಸಲು ಸಿಬ್ಬಂದಿ ಸದಾ ಸಿದ್ಧ. ಕೇವಲ ಸಿಬ್ಬಂದಿ ಮಾತ್ರವಲ್ಲ, ಮೃಗಾಲಯದ ಕಾರ್ಯನಿರ್ವಾಹಕ ನಿರ್ದೇಶಕರಾದಿ ಯಾಗಿ ಎಲ್ಲಾ ಅಧಿಕಾರಿಗಳೂ ಪ್ಲಾಸ್ಟಿಕ್ ಕಣ್ಣಿಗೆ ಬಿದ್ದರೆ ಹೆಕ್ಕಿ ತೆಗೆಯುತ್ತಾರೆ. ೨೦೦೧-೦೨ ರಿಂದ ಪ್ಲಾಸ್ಟಿಕ್ ನಿಷೇಧ ಜಾರಿಯಲ್ಲಿದ್ದು, ಮೃಗಾಲಯವೀಗ ಪ್ಲಾಸ್ಟಿಕ್ ಮುಕ್ತ.

ಛೇ! ಅಂದ್ಕೊಂಡಂಗೆ ಆಗ್ಲಿಲ್ವೆ

ಗುಣಮಟ್ಟ ಕೇಳಬೇಡಿ...
ಮೈಸೂರಿನಲ್ಲಿ ನರ್ಮ್ ಅಡಿ ಹೊರ ವರ್ತುಲ ರಸ್ತೆ ಹಾಗೂ ಅಗೆದ ರಸ್ತೆ ರಿಪೇರಿ ಕಾಮಗಾರಿಗಳು ನಡೆಯುತ್ತಿವೆ. ಇದರಲ್ಲಿ ಹೊರ ವರ್ತುಲ ರಸ್ತೆ ಕಾಮಗಾರಿ ಸ್ಥಿತಿಯಂತೂ ಅಧ್ವಾನ. ಕಾಮಗಾರಿ ಗುಣಮಟ್ಟವಂತೂ ಕೇಳಲೇಬೇಡಿ.
ಭಾರತೀಯ ರಸ್ತೆ ಕಾಂಗ್ರೆಸ್ ನಿಯಮಗಳ ಪ್ರಕಾರ ರಸ್ತೆ ನಿರ್ಮಾಣವಾಗಬೇಕು. ಆರು ಪಥದ ರಸ್ತೆಗೆ ಅಕ್ಕಪಕ್ಕದಲ್ಲಿ ಜಾಗ ಬಿಡಬೇಕು. ಜತೆಗೆ ರಸ್ತೆ ಗಟ್ಟಿತನಕ್ಕೂ ಆದ್ಯತೆ ನೀಡಬೇಕು. ಪಾದಚಾರಿ ರಸ್ತೆ ನಿರ್ಮಿಸಬೇಕು. ಕೆಲವು ಕಡೆ ಕಾಮಗಾರಿ ಮುಗಿದಿರುವುದರಿಂದ ಬೀದಿ ದೀಪ ಬರ ಬೇಕಾಗಿತ್ತು. ಆದರೆ ಇಲ್ಲಿ ಆಗುತ್ತಿರುವುದೇ ಬೇರೆ.
ಇಡೀ ರಸ್ತೆಯುದ್ದಕ್ಕೂ ಗುಣಮಟ್ಟದ ಕೆಲಸ ನಡೆಯು ತ್ತಿದೆ ಎನ್ನಿಸುತ್ತಿಲ್ಲ.  ವೆಟ್ ಬೀಮ್, ವೆಟ್ ಮಿಕ್ಸ್ ಬಳಕೆ ಮಾಡಬೇಕು. ರಸ್ತೆಗೆ ಬಳಸುವ ಮಣ್ಣು, ಟಾರಿನ ಪರೀಕ್ಷೆ ಯಾಗಬೇಕು. ಅಲ್ಲಲ್ಲಿ ಕಿರು ಪರೀಕ್ಷಾರ್ಥ ಪ್ರಯೋ ಗಾಲಯಗಳನ್ನು ಸ್ಥಾಪಿಸಿಕೊಳ್ಳುವುದು ಸೂಕ್ತ. ಈಗಿನ್ನೂ ಕೆಲಸ ಶುರುವಾಗಿರುವುದರಿಂದ ಪ್ರಯೋಗಾಲಯ ಗಳನ್ನು ಸ್ಥಾಪಿಸಬೇಕು. ಅದೇ ರೀತಿ ರಸ್ತೆಯ ಸೇತುವೆಗಳ ನಿರ್ಮಾಣ ಬಹಳಷ್ಟು ವಿಳಂಬವಾಗಿರುವುದು ಕಂಡು ಬರುತ್ತದೆ. ರಸ್ತೆಯುದ್ದಕ್ಕೂ ಆಳದ ಚರಂಡಿ ನಿರ್ಮಿಸಲಾಗಿದೆ. ಇದು ಯಾಕೆ ಎನ್ನುವುದು ಗೊತ್ತಾಗಲಿಲ್ಲ.